Javier Facal:”O pacto xa era evidente antes das eleccións”

O portavoz de Tega pide o goberno que conte coa oposición.

 O portavoz de Terra Galega compareceu nos micrófonos de Radio Xallas e aínda que non criticou abertamente o primeiro ano de goberno do PP dixo que “Os aterrizaxes deberían ser máis rápidos e eficaces”.

As críticas de Javier Facal centráronse na actitude do goberno con respecto a oposición, xa que para este concelleiro o PP non atende “as propostas e iniciativas” do seu grupo e percibe que “Hai deixadez e menosprecio coa oposición”.

Facal Calvo pediu “un punto de cordura” e acordos políticos para que as sesións plenarias foran máis “dinámicas e produtivas”. Tamén rexeitou que se faga, no momento actual, o investimento da nova praza do campo da Feira, e lembrou as promesas do PP con respecto a estrada de Santiago.

“Sempre dixeron que ian gobernar en minoría pero este pacto xa era evidente antes das eleccións e dia a dia vai aflorando” comentou Javier Facal con respecto ao apoio que presta IXSC as propostas do Partido Popular.

Máis información en www.anosacosta.es